Psalms 115
Yook 115
1OYariman, nub yaamban,ewaningko yaamo kuu nambiri kabdi yeman,
amborom kuu eb womoniyiibban ye mimyob dowakeniib ma korondiyiibban weng awiniyiib bangkandimaab kowe.
2Ambibkin koremdan kuu komande nub dowad kwane kaamondimaib,
“Yi God kuu kuna?” andimaib?
3Kumban nub God kuu Ewen arimbed dibeen,
kwane ye dowaken kunaya angkeen kuu kwamunemo ambangkimaan.
4Kumban yi god kuu kuruwakmo, bot silvaayiib goldiib
karub yi dingkimbed ongmenabiwenmo.
5Yi kuu mongkodkonoyiib kumban dakmindeban,
kwane yi kuu indowiib kumban wedmindeban,
6kwane yi kuu kerendemiib kumban wengambirindeban,
kwane yi kuu kiringkonoyiib kumban kuwindeban,
7kwane yi kuu dingkiyiib kumban badmene kaadkerindeban,
kwane yi kuu yoniib kumban yarindeban,
kwane yi kuu yi kiwadkok weng wandindeban.
8Kane kanembed kuruwak god ongmenabimaib kuu kuruwak god kuyareb keraniib,
kane kanembed kuruwak god yaa angkumone dobirimaib kangkon kuruwak god kuyareb keraniib.
9O Israeldan,Yariman yaambed angkumone dobirime,
yembed yiib kuu awandene dorondarimaan kowe.
10O Eeron ye awoya ari,Yariman yaambed angkumone dobirime,
yembed yiib kuu awandene dorondarimaan kowe.
11Yariman yaa unimaibdan,Yariman yaambed angkumone dobirime,
yembed yiib kuu awandene dorondarimaan kowe.
12Yariman kuu nub yaa meenendimaan, kwane nub yaa amun kerundaneen.
Yembed Israeldan yaa amun kerundaneen.
Yembed Eeron ye awoya ari yaa amun kerundaneen.
13Aningkoyiibbandaniib aningko darewoowiibdaniib, kaneyambedYariman yaa unimaib kuu
yembed yiib yaa amun kerundaneen.
14Yiib yaa kuuYarimanbed
danaya yemooniib awoya yemooniib bangkandok.
15Yiib kuuYarimanbed amun kerundok,
Eweniib okadiib ongmenaboonman, yembed kui.
16Ewen kuuYariman yeman,
kumban okad kumundin kuu nimakarub yaa kondoon.
17Dukniwendan kuuYariman yaningko kankoonimokban,
iwarimo kere dangiwendan kui.
18Kukuu nubbedYariman yaningko kuu kankoonimaub,
kibikiib aron koremiib.
Yariman ye aningko kankoonime.
Copyright information for
YON